Filomena Prinoth Moroder
“L ie dumënia, ie lieje y scrije…”
// Ingrid Runggaldier | Frauenarchiv //
La legrëza de scrì o l at soversif de Filomena Prinoth Moroder
![](magazin_img.php?src=A1266/Filomena_Prinoth_1_fmt.jpg)
Filomena Prinoth-Moroder
Filomena Prinoth ie nasciuda ai 11 de mei dl 1860 a Maran ulache si genitores, Christina Mahlknecht y Johann Baptist Prinoth, tramedoi de Gherdëina, menova la butëiga “Zitt”. Filomena fova la muta plu jëuna dla familia. Bonamënter ajache i genitoes ne ova nia dl’aurela de se dé ju cun ëila, l’ovi metuda bele da pitla tl Istitut dla Dames Nglejes, ulache la ie stata nchin che la ova 19 ani. Tlo àla abù na bona educazion mparan, ora che l ladin che la cunesciova bele, nce a rujené y a scrì bën l tudësch y la materies che univa ntlëuta ratedes de utl per na jëuna de bona familia.
Do che Filomena se ova, ai 20 d’utober 1879, maridà cun l jëun dutor Conrad Moroder de Gherdëina, che laurova a Maran, iela jita a sté cun ël a Urtijëi, ulache ël ova giapà la ncëria de dutor. Ti ani do se cruziovela, ora che dla cura di mutons che nasciova un ndolauter, dl’apotech de craitles y medejines che la teniva te cësa. De si 13 mutons y mutans n àla sëuravivù ot: sies ie morc da pitli, la muta Adelheid ie morta de melsëch cun 21 ani y l mut Franz ie tumà tla front dla Dolomites tl 1917. Nce si mut plu vedl Felix, che fova unì de reviers dala perjunia russa y sun chël che la ova tan aspità, ne àla nia plu pudù udëi, l ie mort tl 1922 per i patimënc che l se ova fat pea tla viera.
L ie da se fé marueia che Filomena Moroder ova cun dut l lëur mo dl’aurela de scrì n diare, purempò àla n l di de si noza metù man de l fé. La cossa plu che fej plu cialé ca ie che la l à scrit per belau 40 ani cun puecia nteruzions y scialdi regulermënter nchin puech dan murì.
L diare ie dl prim nzentrà sun la vita persunela de Filomena, sun si pesimes y melsegurëzes, sun la ntraunides tla familia, i mutons, i problems cun la fanceles y la urganisazion dla vita da uni di, si jites, viages y letures ma nce l crëidum. Cun l passé di ani se slergel pona ora sun i avenimënc tl mond, dantaldut sun l rumpì ora dla Prima viera mundiela, che à scunfurià la vita dla persones.
Plu avisa se tratel de n test scrit per tudësch, te n lingaz scëmpl ma suvënz poetich che reprejentea n documënt storich mpurtant y sensaziunel, ajache zacan fovel na cossa rera sce n’ëila scrijova de sé y de si sentimënc, pensieres y esperienzes y ajache documënc privac de chësta sort se à mé dinrer mantenì nchin te nosc tëmps. Per Filomena Moroder fova si diare na luegia de lidëza y pesc, ma nce na luegia ulache la pudova se retré, n tu discret cun chël che la pudova se cunfidé. Zënzauter fova l scrì per ëila n plajëi che ti dajova legrëza. Y coche per d’autra ëiles che scrij, fova bonamënter nce si scritura mutiveda dal dejidere de mplenì na locia, de valivé ora n defizit dl vester. Nsci reprejentea chësc diare a na maniera puech spetaculera n at soversif cun chël che l’autora à auzà ora “si vita marginela de ëila” dala nsenificanza, ti dajan senificat. Filomena Moroder ie morta dl 1920.
Do che Filomena se ova, ai 20 d’utober 1879, maridà cun l jëun dutor Conrad Moroder de Gherdëina, che laurova a Maran, iela jita a sté cun ël a Urtijëi, ulache ël ova giapà la ncëria de dutor. Ti ani do se cruziovela, ora che dla cura di mutons che nasciova un ndolauter, dl’apotech de craitles y medejines che la teniva te cësa. De si 13 mutons y mutans n àla sëuravivù ot: sies ie morc da pitli, la muta Adelheid ie morta de melsëch cun 21 ani y l mut Franz ie tumà tla front dla Dolomites tl 1917. Nce si mut plu vedl Felix, che fova unì de reviers dala perjunia russa y sun chël che la ova tan aspità, ne àla nia plu pudù udëi, l ie mort tl 1922 per i patimënc che l se ova fat pea tla viera.
L ie da se fé marueia che Filomena Moroder ova cun dut l lëur mo dl’aurela de scrì n diare, purempò àla n l di de si noza metù man de l fé. La cossa plu che fej plu cialé ca ie che la l à scrit per belau 40 ani cun puecia nteruzions y scialdi regulermënter nchin puech dan murì.
L diare ie dl prim nzentrà sun la vita persunela de Filomena, sun si pesimes y melsegurëzes, sun la ntraunides tla familia, i mutons, i problems cun la fanceles y la urganisazion dla vita da uni di, si jites, viages y letures ma nce l crëidum. Cun l passé di ani se slergel pona ora sun i avenimënc tl mond, dantaldut sun l rumpì ora dla Prima viera mundiela, che à scunfurià la vita dla persones.
Plu avisa se tratel de n test scrit per tudësch, te n lingaz scëmpl ma suvënz poetich che reprejentea n documënt storich mpurtant y sensaziunel, ajache zacan fovel na cossa rera sce n’ëila scrijova de sé y de si sentimënc, pensieres y esperienzes y ajache documënc privac de chësta sort se à mé dinrer mantenì nchin te nosc tëmps. Per Filomena Moroder fova si diare na luegia de lidëza y pesc, ma nce na luegia ulache la pudova se retré, n tu discret cun chël che la pudova se cunfidé. Zënzauter fova l scrì per ëila n plajëi che ti dajova legrëza. Y coche per d’autra ëiles che scrij, fova bonamënter nce si scritura mutiveda dal dejidere de mplenì na locia, de valivé ora n defizit dl vester. Nsci reprejentea chësc diare a na maniera puech spetaculera n at soversif cun chël che l’autora à auzà ora “si vita marginela de ëila” dala nsenificanza, ti dajan senificat. Filomena Moroder ie morta dl 1920.
Da liejer inant:
Wenn doch endlich Frieden wäre! Aus dem Tagebuch der Filomena Prinoth-Moroder. Gröden 1914–1920, dat ora da Margreth Runggaldier-Mahlknecht, Edizion Folio, mei 2015.
Mein Gröden, Die Tagebücher der Filomena Prinoth-Moroder (1885–1920), ed. Marion Ladurner/Oswald Überegger, Universitätsverlag Wagner, nuvëmber 2018.
Mein Gröden, Die Tagebücher der Filomena Prinoth-Moroder (1885–1920), ed. Marion Ladurner/Oswald Überegger, Universitätsverlag Wagner, nuvëmber 2018.